കാറ്റിനോടൊപ്പം ...

എന്നെക്കൂടെ എടുത്തോണ്ട് പോ കാറ്റേ ...
ഭാരങ്ങള്‍ ഇറക്കി വച്ചിട്ട് ഞാനും ഒന്ന് പറക്കട്ടെ ...

(ഇത് നമ്മുടെ സ്വന്തം പൊന്മുടി. ലീന എടുത്ത ചിത്രം ....)

ഒരു കാനായി ടച്ച് ...

നമ്മുടെ സാക്ഷാല്‍ കാനായി കുഞ്ഞിരാമന്‍ സാറിന്റെ ശിഷ്യനോ മറ്റോ ആണോ എന്നറിയില്ല ഇത് ചെയ്ത സായിപ്പ്. .
റോട്ടര്‍ഡാമിലെ ഒരു മ്യൂസിയത്തിലെ ഒരു ശില്പം ..

എല്ലാം പച്ചമയം ..

വീടിനു ചുറ്റും ഇതുപോലെ ആയിരുന്നെങ്കില്‍ എന്ന് ഞാന്‍ എപ്പോഴും ആഗ്രഹിക്കും. (ആഗ്രഹിക്കുന്നതിനൊക്കെ ഒരു ലിമിറ്റ് വേണ്ടെടെയ് എന്ന് ചോദിക്കല്ലേ പ്ലീസ് ..)

നെതര്‍ലണ്ട്സിലെ റൈസ് വൈയ്ഗ് എന്ന സ്ഥലത്ത് നിന്നും എടുത്ത ചിത്രം ...

വേലത്തരം ഒന്നും കാട്ടാതെ ഇരിക്കെടാ മോനെ ..

ഡാ..മോനെ...പൈതലേ..പുറകില്‍ ഇരുന്നു വേലത്തരം കാട്ടി എന്നെക്കൂടെ വീഴ്ത്തല്ലേ..

(ബ്രസ്സല്‍സ് , ബെല്‍ജിയം, 2007 )

വാരി വിതറിയ പോലെ..

നാട് ചുറ്റാന്‍ വേണ്ടി നടന്നപ്പോള്‍ എവിടെയോ കണ്ട് എടുത്ത പടം...എടുക്കാതിരിക്കാന്‍ കഴിഞ്ഞില്ല.. അത്രയ്ക്ക് മനോഹരം ആയി തോന്നി...

തെളിഞ്ഞ വെള്ളം ..

സങ്കടങ്ങള്‍ ഇല്ലാത്തവരുടെ മനസ്സ് ഇതുപോലെ ആണത്രേ.. കലങ്ങാതെ..തെളിഞ്ഞ വെള്ളമുള്ള തടാകം പോലെ ..
എന്റെ മനസ്സും അങ്ങനെ ആയിരുന്നെങ്കില്‍ ..

(മക്കന്‍സി തടാകം, ക്വീന്‍സ്ലാന്‍ഡ് , ആസ്ട്രേലിയ )

മരണം പതിയിരിക്കുന്ന കുഴി ..

ഇത് വെറും കുഴിയല്ല കേട്ടോ... ആളുകളെ ഷോക്കടിപ്പിച്ചു കൊല്ലാന്‍ കഴിവുള്ള "sting ray" കിടന്നതിന്റെ പാടാണ് ഈ കാണുന്നത്. ഈ കക്ഷിയാണ് പ്രശസ്ത crocodile hunter സ്റ്റീവ് ഇര്‍വിന്റെ മരണ കാരണം.

(ക്വീന്‍സ്ലാന്‍ഡ് കടല്‍പ്പുറം , ആസ്ട്രേലിയ , 2009)